Брюс Ли нь Хонгконгийн нэрт кино жүжигчин байсан гэдгээрээ алдартай бөгөөд барууны орнуудад Азийг төлөөлөн оролцож байсан анхны жүжигчдийн нэг юм. Харин түүнийг жүжигчнээс гадна гүн ухаантан байсан гэдгийг мэдэх хүн цөөнгүй бий.
Брюс Лигийн тухай товчхон:
Бүтэн нэр: Ли Жүн Фан (李振藩)
Төрсөн: 1940 оны 11-р сарын 27, АНУ-ын Сан Франциско
Иргэншил: Америк, Хонконг
Мэргэжил: Жүжигчин, тулааны урлагийн мастер,гүн ухаантан, найруулагч, зохиолч
Брюс Ли бол тулааны урлагийн ертөнцөд цоо шинэ чиг хандлагыг авчирсан хүн. Тэрээр өөрийн боловсруулсан Jeet Kune Do (Жийт Күн До) хэмээх урлагаараа “уян хатан ямар нэгэн хэлбэрт баригдахгүй байхын хүч”-ийг илэрхийлж, тулаанд уян хатан сэтгэлгээ хичнээн чухал болохыг харуулсан.
1. Хамгийн ухаалаг зэвсэг бол сэтгэлгээ юм
Тэрээр Хонконг болон Холливудын кинонд тоглож, зүүн ба өрнийн соёлыг холбосон анхны ази жүжигчдийн нэг болсон.
Түүний алдартай кинонуудаас:
- Enter the Dragon (1973)
- The Way of the Dragon (1972)
- Fist of Fury (1972)
- The Big Boss (1971)
Брюс Ли зөвхөн биеийн хүчийг биш, оюун санааны хүчийг эрхэмлэгч байсан. Тэрээр өөрийн тэмдэглэл, бодол санаагаа хуваалцсан “Tao of Jeet Kune Do” номоо бичиж, олон мянган хүнд сэтгэл зүй, сахилга бат, ухаалаг амьдралын замыг зааж сургасан юм. Зөвхөн мэдэх нь хангалтгүй — бид хэрэгжүүлэх ёстой. Зөвхөн хүсэх нь хангалтгүй — бид хийх хэрэгтэй гэж хэлснээрээ тэрээр амьдралд мэдлэгээс илүү чухал зүйл бол үйлдэл гэдгийг онцолж байна.
Хүн бүр амжилт, хөгжлийг хүсдэг — гэхдээ тэрхүү хүсэл нь үр дүнд хүргэхгүй. Жинхэнэ өөрчлөлт гэдэг бол өдөр тутмын алхам, үйлдэл дээр л бий болдог, тиймээс өөрийн хүсч буй зүйлсийг амьдралдаа үйлдэл болгон хэрэгжүүлж, зуршлыг бий болгох нь хөгжлийн үндэс болдгийг онцлон тэмдэглэжээ.
Түүний хэлсэн алдартай ишлэлүүдийг энд онцлоё:
-Хэрэгтэйг нь ав. Хэрэгцээгүйг нь хая. Харин зөвхөн чамд л хамаарах зүйлсийг нэм
-Өөрийнхөөрөө байх зоригтой бай
-Мэдлэг бол хүч биш — хэрэгжүүлсэн мэдлэг л хүч юм
-Санаагаа өөрчилж чадвал — амьдралаа өөрчилж чадна
-Хамгийн ухаалаг зэвсэг бол сэтгэлгээ юм
-Бэрхшээл бол дайсан биш — чамайг илүү хүчирхэг болгох дасгал
-Өдөр бүрийг сорил биш боломж гэж хар
Холбоотой нийтлэл: Зуслангийн байшин барихад нэн тэргүүнд анхаарах зүйлс
Хувийн эмх замбараагүй байдлал нь өдөр тутмын амьдралд төдийгүй сэтгэл санаанд сөргөөр нөлөөлдөг. Эмх замбараагүй байдлыг даван туулж, амьдралаа илүү эмх цэгцтэй болгох гарын авлагыг ЭНД дарж ҮНЭГҮЙ татаж аваарай!
